A proposito della imminente processione dei Misteri voglio qui ricordare i versi in dialetto del poeta trapanese Nino Barone Nescinu a dui, vari e variceddi, a spadda purtati di l’omini massari
iddi sunnu picciotti, picciutteddi e anziani chi tiranu a campari.
S’infilanu ‘nde strati e li trazzeri cu l’occhi sbalurduti i trapanisi
si virinu passari li Misteri appuiati’nta li mura tisi tisi.
‘Nto mezzu a sta fudda di pirsoni china di cristiani furisteri
passa lenta tutta a prucissioni, tammurinara e puru trummitteri.
Lu primu di davanti è la Spartenza, di ddocu ‘ncumincia la passioni.
Li consuli c’a santa pruvirenza talianu s’e apposto a situazioni.
Li Misteri tutti’nmuvimentu cu ciuri di staciuni su addubbati
vennu annacati ogni mumentu di li massari seri e cuncintrati.
Tra li cunventi, chiesi e munasteri s’allonga comu nenti la sfilata.
È chistu ‘u iornu santu di Misteri chi finisci c’a matruzza Addulurata.
La peddi d’ognerunu dii prsenti s’arrizza a ogni nota di clarinu
nun c’è na cosa megghiu a sti mumenti, lu cori sbattulia a pettu chinu.
E comu ogni cosa ch’è addisiata finisci chi ti squagghia no muccuni.
Trasinu i Misteri c’annacata a unu a unu e si chiuri lu purtuni.
N’arresta la vucca senza na parola, n’arresta na l’occhi lacqua di lu chiantu,
quarcunu ‘nchiesa ancora un si cunsola e penza ‘nstesta all’autru Vennari Santu.
Nessun commento:
Posta un commento